Apple компаниясы көптен күткен жаңа 5G интернеті бар iPhone 12 смартфонын Купертинодағы презентациясында таныстырды.

Жаңа модельдер Super Retina Xdr дисплейімен жабдықталған болып, 5.4, 6.1, 6.7 дюймды құрайды. Ол сондай-ақ 11 пайызға жұқа және 16 пайыз жеңіл әрі 15 пайыз ықшам жасалған.

Гаджеттің дизайны тегіс қырлы iPhone 4 пен iPhone 5-ті еске түсіреді. Бұл модельде бұрынғыдай екі камера болса, IPhone 12 Pro Max-те үшінші камерада қосылған. Бұған дейінгі смартфондардан тағы бір ерекшелігі Apple компаниясы жарық көзіне қарсы суретке түсіруге мүмкіндік беретін Smart HDR 3 функциясы қосылғанын хабарлады.

Сонымен қатар, IPhone 12 және iPhone 12 mini жаңа модельдері бес түрлі - қара, ақ, қызыл, жасыл және көк түсте шықса, 12-ші буынды «алмафонның» топ гаджеті IPhone 12 Max Pro, төрт түрлі - сұр, қара, алтын және көк түсте қол жетімді бомақ.