Sinope янги чип уяли алоқа, Wi-Fi ва Bluetooth функцияларини ўзида бирлаштиради. Американинг Apple корпорациясининг Купертино штаб-квартираси ишчилари уч йил давомида уларни Qualcomm эҳтиёт қисмлари ўрнига алмаштирмоқчи эди, чунки дизайнерлар ва муҳандислар фикрича, эски чип iPhoneда жуда кўп жой эгаллаб келган. Янги модул янада ихчам шаклда бўлиши ва камроқ энергия сарфлаши режалаштирилган.

Ушбу модемга эга биринчи қурилма ультра ингичка кўринишдаги iPhone 17 Air  бўлади. Bloomberg  маълумотларига кўра, унинг қалинлиги iPhone 16 Proдан 2 миллиметрга кам, яъни тахминан 6,3 миллиметрга тенг бўлади.

Шунингдек, Apple  компанияси илк марта уяли алоқа воситасини Macbookка интеграция қилиш масаласини кўриб чиқмоқда, бу янгилик фойдаланувчиларга Wi-Fi ёрдамисиз интернетдан фойдаланиш имконини беради. Бундай қурилма 2026 йилдан кейин ишлаб чиқарилади. Аввал компания юқори тезликни қўллаб-қувватлайдиган иккинчи авлод модемини тақдим этиши кутилмоқда.

Купертино жамоаси ушбу модулни мини гарнитураларга, жумладан, Vision Proга ҳам киритиш имкониятларини ўрганмоқда. Аммо уни Apple Watch учун ишлаб чиқариш режалаштирилмаган.

<iframe width="560" height="315" src="https://www.youtube.com/embed/_MjiAVClLeo?si=PQY2jGS8owpOmqLy" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, ЎзА