Антифриз идишларидаги "Тропикамид" фош бўлди
Тошкент вилояти божхона бошқармаси “Ғишткўприк” чегара божхона пости ходимлари юртимизга пиёда ҳолда кириб келган икки нафар фуқаронинг қўл юкларини ДХХ чегара қўшинларининг ҳарбий хизматчилари билан ҳамкорликда кўздан кечирди.
Натижада ушбу шахсларнинг юклари орасида бўлган антифриз ва дори воситаларининг 4 дона идишида 501 мл. "Тропикамид" кучли таъсир қилувчи модда борлиги аниқланди.
Ҳозирда юқоридаги ҳолат юзасидан дастлабки тергов ҳаракатлари олиб борилмоқда.
Ш.Маматуропова, ЎзА