Туркия Россия билан Украина музокаралари ижобий натижа беришига умид қилади, музокараларнинг ҳар бир даврасида ўзаро тушуниш ортиб бормоқда, деб баёнот берди Туркия ташқи ишлар вазири Мавлуд Човушўғли.

"Шартларнинг мураккаблигига қарамасдан, биз дипломатияга ишонишни давом эттирамиз. Биз бу ишончни асраймиз, биз Беларусда бўлиб ўтаётган музокараларни қўллаб-қувватлаймиз ва ушбу музокаралар ижобий натижа беришини тилаймиз. Икки томон билан алоқада бўлиб турган давлат сифатида, ушбу жараёнга ҳиссамизни қўшиш учун барча имкониятимизни ишга соламиз", – деди Човушўғли Россия ташқи ишлар вазири Сергей Лавров билан бўлиб ўтган музокара якунлари бўйича журналистлар билан уюштирган учрашувида.

Вазир мазкур доирада Туркия томони Лавров билан ҳам, Украина ташқи ишлар вазири Дмитрий Кулеба билан ҳам учрашганини эслатди. "Учрашувдан учрашувга томонларнинг позицияси янада тушунарлироқ бўлиб бормоқда", – дея таъкидлади туркиялик вазир.