Annalena Berbok O‘zbekistonga keldi
Germaniya federal tashqi ishlar vaziri Annalena Berbok Toshkentga uch kunlik tashrif bilan keldi.
GFR diplomatiyasi rahbari yurtimizga safari doirasida qator vazirlik, idoralarda, ta’lim muassasalari, ishlab chiqarish korxonalari, jamoat tashkilotlarida muzokara, uchrashuv, tadbirlarda ishtirok etadi.
Davlatimiz rahbari matbuot kotibi ma’lum qilishicha, O‘zbekiston Prezidenti Germaniya delegatsiyasini qabul qilishi kutilyapti.
Dasturdan Samarqand viloyati bo‘ylab ziyorat ham ko‘zda tutilgan.
O‘zA