Анкарада теракт жасағандардың көзі жойылды
Анкара маңайындағы Turkish Aerospace (TUSAŞ) аэроғарыш компаниясының штаб-пәтеріне жасалған шабуыл салдарынан төрт адам қаза тауып, 14 адам жарақат алған. Бұған дейін кәсіпорын аумағында күшті жарылыс болып, атыс басталғаны туралы хабарланған болатын.
Түркия ішкі істер министрі Али Ерлыкая шабуылдаушылардың екеуі – бір ер адам мен бір әйелдің өлтірілгенін мәлімдеді. Оның айтуынша, жараланғандардың үшеуінің жағдайы ауыр.
«Түркияның аэроғарыш өнеркәсібіне қарсы террорлық шабуыл жасалды. Өкінішке қарай, құрбандар мен жараланғандар бар», – деп жазды ол Х әлеуметтік желісінде.