Янги Ўзбекистоннинг эртанги куни бугунги мактаб остонасидан бошланади. Фарзандларимиз дунё миқёсида рақобатбардош мутахассис бўлиб етишиши, ўзларининг муносиб ўрнини топиши кўп жиҳатдан аниқ ва табиий фанларни пухта ўзлаштириши билан боғлиқ. Бу жараён таълим тизими сифати ва самарадорлигини таъминлашни талаб этади. Шу нуқтаи назардан республикамизда сўнгги йилларда Учинчи Ренессанс пойдеворини яратиш мақсадида амалга оширилаётган туб ислоҳотлар жамиятда мактабга муносабатни сезиларли даражада ижобий томонга ўзгартирди.

Абдулла Авлоний номидаги педагогик маҳорат миллий институти ва “ Science and Innovation” халқаро илмий журнали ҳамкорлигида ьашкил этилган “Аниқ ва табиий фанларни ўқитишга замонавий ёндашув: муаммо ва ечимлар” мавзусидаги халқаро илмий-амалий анжуман ҳам айни жараённинг узвий давоми, дейиш мумкин.

Тадбирда соҳадаги мавжуд муаммоларни таҳлил қилиш ва ҳал этиш, илғор педагогик технология ва инновацион услубларни таълим жараёнига татбиқ этиш йўллари муҳокама қилинмоқда. Шунингдек, турли мамлакатлар мутахассислари ўртасида тажриба алмашинувини йўлга қўйиш орқали халқаро ҳамкорликни мустаҳкамлаш, илмий асосланган стратегия ва амалий тавсиялар ишлаб чиқиш кўзда тутилган.

<iframe width="560" height="315" src="https://www.youtube.com/embed/GgdrkR4vSJ4?si=xxzrIPnK_bFAdH4O" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Дониёр Ёқубов (видео),

ЎзА