Бугун Сурхондарё вилоятининг Ангор тумани деҳқонлари ҳам мамлакатимизда биринчилардан бўлиб, йиллик пахта топшириш шартномавий режасини бажарди. Тумандаги 31 та фермер хўжалиги ва “Замин Ангор кластер” пахта тўқимачилик кластери 4 минг 734 гектар майдонда ғўзанинг ингичка ва ўрта толали “Термиз 202”, “Юксалиш”, “Бухоро-10” каби навларидан мўл ҳосил тўплади. Қабул шохобчаларига 18 минг 639 тоннадан ортиқ пахта топшириб, белгиланган режани уддалади.

Шу кунгача ҳосили йиғиштириб  олинган  майдонлардан ўртача  40-41 центнердан хом ашё олинди.  “Рустам Шўрчи”, “Турсунбой Шўрчи”, “Хуршидбек Жамшидбек Маданият” ҳамда “Замин Ангор кластер” масъулияти чекланган жамияти далаларида 43 центнердан ортиқ ҳосил йиғиб олишга эришилди.

Туман пахтакорлари йиғим-теримни  давом эттирмоқда.

Х. Маматрайимов, ЎзА мухбири