Анголаның Луло аллювиальды алмаз кенішінде соңғы 300 жылдағы ең үлкен қызғылт алмаз табылды.

Associated Press агенттігінің хабарлауынша, табылған гауһар 170 караттық. Ол соңғы 300 жылда табылған осы түрдегі ең үлкені болуы мүмкін.

«Бұл рекордтық және керемет қызғылт гауһар ... Анголаның жаһандық алмаз өндіру сахнасында маңызды ойыншы екенін көрсетеді», - деді Анголаның минералдар және мұнай министрі Диамантино Азеведо.

Алмаз «Роза Луло» деп аталған. Анголаның мемлекеттік гауһар маркетингтік компаниясы Sodiam оны халықаралық тендерде сатпақ.

Луло кеніші Анголаның әсерлі асыл тастарының көпшілігінің көзі болып табылады және дәл осы жерден елдегі ең үлкен екі гауһар табылған.