Кўҳна қитъанинг топ-5 чемпионатлари қизғин паллада. Айниқса, юртимиз футбол ишқибозлари Англия Премьер-лигаси ўйинларини катта қизиқиш билан кузатишмоқда. Чунки терма жамоамиз аъзоси Абдуқодир Ҳусанов “Манчестер сити” таркибида ажойиб мавсум ўтказяпти.

Куни кеча Англия Премьер-лигасида 27-тур учрашувлари ўз якунига етди. Кутилганидек, ушбу турда чемпионлик учун асосий даъвогар ҳисобланган "Арсенал" ва ушбу жамоани таъқиб қилаётган "Манчестер Сити" зафар қучди. Шунингдек, "Ливерпуль" ҳамда "Манчестер Юнайтед" жамоалари рақибларини таслим қилган бўлса, "Челси" дуранг ўйнади.

Қайд этилган натижалардан сўнг, Микель Артета қўл остидаги “Арсенал” 61 очко билан турнир жадвалида пешқадамлик қилаётган бўлса, “Манчестер Сити” 56 очко жамғариб, иккинчи ўриндан жой олган. Кучли учликни эса 51 очкога эга "Астон Вилла" жамоаси якунлаб бермоқда.

Лиганинг тўртинчи поғонаси 48 очко жамғарган "Манчестер Юнайтед"га тегишли бўлиб турибди. "Челси" ва "Ливерпуль" эса бир хил 45 очко билан 5-6 ўринни эгаллаган. 7-10 поғоналарда "Брентфорд" 40, "Борнмут" 38, "Эвертон" ва "Фулҳэм" 37 очко билан жой олган.  

Чемпионатда “Ньюкасл" ва  "Сандерленд" 36, "Кристал Пэлас" 35, "Брайтон" 34,   "Лидс" 31, "Тоттенҳэм" 29,  "Ноттингем Форест" 27 очко жамғариб, 11-20 ўринларни банд этди. Шунингдек, "Вест Хэм" 25, "Бёрнли" 19 ва "Вулверхэмптон" 10 очко билан қуйи поғоналарда бормоқда.  

Англия Премьер-лигасининг 28-тур учрашувлари 28 февларь куни бошланиб, 1 март санасигача давом этади. Мазкур турда қуйидаги баҳсларга гувоҳ бўламиз:

28 февраль, шанба: "Вулверхэмптон" — "Астон Вилла", "Борнмут" — "Сандерленд", "Ливерпуль" — "Вест Хэм", "Ньюкасл" — "Эвертон", "Бернли" — "Брентфорд",  "Лидс" — "Манчестер Сити";

1 март, якшанба:  "Брайтон" — "Ноттингем Форест",  "Фулҳэм" — "Тоттенҳэм", "Манчестер Юнайтед" — "Кристал Пэлас", "Арсенал" — "Челси".

Жавоҳир Тошхўжаев, ЎзА