Германия канцлери вазифасини бажарувчи Ангела Меркель 12 ноябрда Франция пойтахтидаги Ливия бўйича анжуманда иштирок этади, дейилади “ТАСС” хабарида.

Германия ҳукумати расмий вакили Штеффен Зайберт Берлинда журналистларга: “Канцлер Франция президенти Эммануэль Макрон таклифига биноан Парижга боради”, деди. 

Анжуманнинг бошқа иштирокчилари сифатида у Италия, Ливия ва БМТ вакилларини тилга олди.

“Ливиядаги бўлажак парламент сайловлари ва мамлакатдан хориж қўшини чиқарилиши каби масалалар диққат марказида бўлади”, деб қўшимча қилди. Зайберт. Унинг сўзларига кўра, Берлиннинг мақсади – зиддият ечими йўлида Ливияни қўллаб-қувватлашдан иборат.