Украина ұлттық құрамасының бұрынғы жаттықтырушысы Андрей Шевченко Түркия құрамасына бапкер болуы мүмкін.

Kicker басылымының хабарлауынша, Түркия құрамасының бас бапкерлік лауазымына «Алтын доп» иегері мен бірге Германия U21 құрамасының бас жаттықтырушысы Стефан Кунтц та бар.

Шевченко қазіргі кезде онымен түрік тарапының арасында келісімге келу туралы айтуға әлі ерте екенін айтқан.

Түркия құрамасы 2022 жылғы Әлем чемпионатына іріктеу ойындары аясында Голландиядан жеңілгеннен (1: 6) кейін бас бапкер Ченол Гюнеш лауазымынан босатылған еді. Әзірше бұл орынға лайықты маман тағайындалмады.

Шевченко 2016 жылдан бастап Украина құрамасын жаттықтырды және келісімшарт мерзімі аяқталған соң Еуро-2020 турнирінен кейін командадан кетті. Осы кезең аясында Украина құрамасы өз тарихында бірінші рет Еуропа чемпионатының ширек финалына шыққан болатын.