2018-2023 жылдар аралығында жапондық «Виссел Кобе» командасында ойнаған «Барселонаның» бұрынғы жартылай қорғаушысы Андрес Иньеста Жапонияда салық төлеуден жалтарды деп айыпталуда.

COPE порталының хабарлауынша, испандық футболшы «Виссель Кобе» клубында ойнаған кезде табысын жария етпеген.

Иньеста Жапониядағы бес жылдық мансабында 5,2 миллион еуроға жуық табысын жария етпеген.

Жапондық салық органдары қазір 39 жастағы жартылай қорғаушыдан жапон қазынасына 3,5 миллион еуро төлеуді талап етіп отыр.