Андижон – аҳолиси шижоатли, замини барокотли маскан. Бугунги кунда Андижонда ўн бир мингдан зиёд саноат корхоналари жойлашган бўлиб, республика саноатидаги улуши 10,2 фоизни ташкил этмоқда.

Вилоятнинг Олтинкўл туманида 16 гектар майдонда ташкил этилган кластер усулида мебель маҳсулотларини ишлаб чиқариш, кўргазма ва савдо объектларини ўз ичига олган кичик саноат зонасида ҳудудий ярмарка ташкил этилди.  

Қайд этиш лозимки, Андижон вилоятида мавжуд тадбиркорлар томонидан бугунги кунда ишлаб чиқарилаётган 400 турга яқин маҳсулот маҳаллий ва хорижий бозорларда ўз ўрнини топган.  

Президентимиз Андижон вилоятига ташрифи доирасида Олтинкўлда ташкил қилинган ҳудудий ярмаркада ҳам бўлиб, вилоят тадбиркорлари томонидан ишлаб чиқарилаётган маҳсулотларни кўздан кечирди.  

Республикамизнинг турли вилоятларидан келган тадбиркорлар ўзаро фикр алмашиш, ҳамкорлик қилиш имкониятига эга бўлди.  

Президентимиз тадбиркорлар фаолияти билан танишар экан, уларни қўллаб-қувватлаш, ривожланиши учун янада кенгроқ шароитлар яратиб, имкониятларини ишга туширишга кўмаклашиш зарурлигига урғу берди.  

Ҳудудий ярмаркада ўз маҳсулоти билан иштирок этган тадбиркорлар бугунги имкониятлар туфайли соҳада эришган ютуқлари ва давлатимиз раҳбарининг эътиборидан мамнун эканини яширишмади.  

– Ёшлигимдан техникага қизиққанман, бугунги кунга келиб кичик тракторлар ишлаб чиқармоқдаман, – дейди тадбиркор Илҳомжон Қосимов. – Президентимиз тақдимотим билан танишиб, мени қўллаб-қувватлашини айтганида, янада мамнун бўлдим. Ҳаттоки қизиққан соҳам бўйича ўқишга киришимга имтиёз берди.  

100 дан зиёд тадбиркор томонидан намойиш этилган 500 га яқин маҳсулот аҳоли корига яраш билан бирга, экспортга ҳам йўналтирилган.  

Ярмаркада гулчилик, автомобилсозлик, асаларичилик, тўқув-трикотаж, қурилиш маҳсулотлари ва балиқчилик йўналишидаги самарали фаолиятлар тақдим этилди.  

Яна бир муҳим жиҳати, унда Андижон янги маҳсулотлар ҳам тақдим этилди.  

Қуйидаги ҳавола орқали видеони батафсил кўришингиз мумкин.  

<iframe width="650" height="420" src="https://www.youtube.com/embed/8dm2aCP0alU" title="Andijonlik yosh tadbirkor loyihasi Prezidentga maʼqul boʻldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ, ЎзА