Андижон шаҳрида замонавий, янги электробуслар хизмат кўрсата бошлади.

Кейинги йилларда мамлакатимизда аҳолига транспорт хизмати кўрсатиш сифатини ошириш борасида кенг кўламли ишлар олиб борилмоқда. Андижонга янги авлод электробусларининг олиб келиниши ана шу йўналишдаги ишларнинг узвий давоми бўлди.  

Аҳолига сифатли, қулай ва экологик тоза транспорт хизмати кўрсатишни йўлга қўйиш мақсадида Хитой давлатида ишлаб чиқарилган “САМBELL” русумидаги замонавий электробуслар вилоятга босқичма-босқич олиб келиниб,  шаҳар йўналишларига қўйилмоқда.

[gallery-26748]

Ўзбекистон Республикаси Транспорт вазири Илҳом Маҳкамов ҳамда вилоят ҳокими Шуҳратбек Абдураҳмонов янги қурилган электробуслар паркида бўлиб, ташкилот фаолияти билан яқиндан танишди. Вилоятга жамоат транспортини ривожлантириш, экологик тоза транспорт воситаларидан фойдаланиш кўламини кенгайтириш борасидаги ишлар изчил давом эттирилишини таъкидлади. 

Таъкидлаш керак, янги авлод электробуслари экологик тозалиги, яъни атмосферага зарарли моддалар чиқармаслиги, шунингдек, иқтисодий самарадорлиги билан қатор афзалликларга эга. 

Янги электобуслар Андижон шаҳар йўналишлари бўйича ҳаракатлана бошлади. Аҳолига транспорт хизмати кўрсатиш тизимида олиб борилаётган бу каби ишлардан, яратилаётган қулайликлардан шаҳар аҳли беҳад мамнун.

<iframe width="560" height="315" src="https://www.youtube.com/embed/p-ANVBm9f0k?si=aY6BYMZ4pDotS6vC" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ф. Убайдуллаев, З. Умрзоқов (сурат), ЎзА мухбирлари