Андижонда талаба-ёшлар халқаро форуми бўлиб ўтди
Бугунги ислоҳотларнинг самара бериши, унинг натижали бўлиши ва давом этиши мамлакатимиз ёшларига боғлиқ.
Бугунги ислоҳотларнинг самара бериши, унинг натижали бўлиши ва давом этиши мамлакатимиз ёшларига боғлиқ. Улар ўзи танлаган соҳанинг устаси бўлиб, жамиятимиз тараққиёти ва ривожи учун хизмат қилишлари керак. Бу борада ҳукумат раҳбарлари, вилоят ҳокимлари умуман раҳбарлар ёшларнинг таклифларини тинглаб, ташаббусларини қўллаб-қувватламоқда. 17 ноябрь куни Андижонда “Бутунжаҳон талабалар“ куни муносабати билан “Андижон талаба-ёшлар халқаро форуми“ ташкил этилди. Форумда иштирок этиш учун Андижонга республикамиз ва қўшни Қирғизистондаги олий таълим муассасаларининг 250 нафар иқтидорли талабалари ташриф буюрди.
“Форум кутилганданда ажойиб ташкил этилибди, Ўзбекистонга кўп марта келганман, бу ерда қариндошларим ҳам бор. Маҳаллаларда қурилган замонавий ва шинам уйларга жуда ҳавасим келди“, дейди Ўш давлат университети талабаси Илҳамжан Исаков.
