Bahorning ilk kunlaridan Andijonda ko‘chat ekish davom etayotgandi. So‘nggi kunlarda esa viloyatda katta safarbarlik ro‘y berdi. Barcha tumanlarda bo‘sh turgan yoki qishloq xo‘jligiga yaroqsiz yerlar o‘zlashtirilib tut ko‘chati ekilmoqda.

Мархамат туманида 100 гектар адирликда ер экинга тайёрланиб маҳаллий “Янги Андижон” навли тут кўчатлари олиб келинди. Кластер қўлловида фермер хўжалиги аъзолари, хашарчилар сафарбар қилиниб улкан тут плантацияси бунёд этилди. Андижонликлар ҳар ишда янгиликка интилувчан. Ҳатто тут плантацияларида ҳам самарадор услубларни жорий этмоқдалар.

– Янги Андижон тажрибаси десак ҳам бўлади. Сабаби адирлик жойларда экин тезроқ чанқайди. Шунинг учун кўчатни қўшқатор қилиб пленка остига олганмиз, – дейди “Ипак кўчат кластер” фермер хўжалиги раҳбари Абдуфаттох Мусулмонқулов. –Тут қатори ўртасида 6 метр бўш жой бор. Ундан унумли фойдаланиш учун ҳар бир тут кўчати орасига 2 тупдан тарвуз экилди. Бу эса халқимиз учун озиқ-овқат, бундан ташқари пиллачилик ривожланишига озуқа яратиб бериляпти.

Тут майдонларини ташкил этишга Балиқчи туманида ҳам астойдил киришдилар. Балиқчида Мархаматдаги каби адирлар йўқ. Шунинг учун аввало эски тутзорлар янгиланяпти. Улар оралиғига янги ниҳоллар экилмоқда. Бундан ташқари бир парча бўлсада, ҳар ер – ҳар қаердаги қийтиқ ерлар аниқланиб тутзорга айлантирилмоқда.

– 29 гектар тут плантациямиз бор эди. Бугун кўчат экилаётган бир гектар билан 30 гектар бўляпти. Кўчатларимиз Ветнам кўчатлари билан чатиштирилган холатда етиштирилган. Шу йилнинг ўзида 20 гектар майдонда тут экилиши мўлжалланган, – дейди участка агрономи Саидахон Абдуллаева.

Яна Мархаматга қайтсак. Хашарга ёшу-қари мархаматликлар бирдек келишди. Кўнгилда гаплар йиғилиб қолган экан, бугунги Ўзбекистон, Ватан ободлиги ҳақида ҳар ким ўйлаганини айтди.

– Юртимиз тинч, ватанимиз обод. Бу ободчиликни мана сиз, биз, мухтарам юртбошимиз, ҳаммамиз биргаликда келажак авлодимизга қолдиряпмиз. Агар бугун бир туп кўчат эксак, етмиш йил савоб ёзилар экан номаи амоимизга. Бу қандай бахт, бу тинчликнинг шарофати, - дейди мархаматлик меҳнат фахрийси Маҳамадзокир хожи Эргашев. –Спортдан дейсизми, санъатдан дейсизми, олимларимиз яратган янги навларидан дейсизми, ҳаммаси, бу – сиз билан бизнинг мустақил мамлкатимизнинг нияти холислигидан. Ҳар бир ўзгаришга, ҳар бир янгиликка интилишимиз биргаликда ҳиссамизни қўшишимиз керак. Ана ўшанда Ватанмиз обод бўлади.

Бугун экилган кўчатлар эл фаровонлигига ҳизмат қилсин.

<iframe width="650" height="420" src="https://www.youtube.com/embed/f-IURmZz_rg" title="ANDIJON KO&#39;CHAT EKISH Эксперт" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳаммаджон Обидов

Элёр Олимов