Andijon mashinasozlik instituti rektori U.Salomov boshchiligidagi delegatsiya Xitoy Xalq Respublikasida boʻldi. Tianjin shahrida joylashgan “Tianjin kadrlar tayyorlash maktabi”da boʻlib, ushbu maktabning samarali faoliyati bilan yaqindan tanishdi. Delegatsiyaga Tianjin kadrlar tayyorlash maktabi direktori Zeng Li va “Xuavia texnologiyalari” masʼuliyati cheklangan jamiyati prezidenti Gai Xoibo hamrohlik qildi. Ular oʻrtasida Andijon mashinasozlik instituti qoshida muhandis kadrlar tayyorlash markazini ochish uchun uch tomonlama shartnoma tuzish boʻyicha muzokaralar olib borildi va yakunda shartnoma imzolashga erishildi.

Kelgusida Andijon mashinasozlik institutida “Tianjin kadrlarni kasbga tayyorlash maktabi” va “Xuavia texnologiyalari” masʼuliyati cheklangan jamiyati hamkorligida “Kasbiy malakalar markazi” tashkil etiladigan boʻldi.

Ushbu markazda yoshlar kasbga yoʻnaltiriladi, ularning bandligiga koʻmaklashiladi. Shuningdek markaz mavjud soha mutaxassislarini zamonaviy texnologiyalar asosida qayta tayyorlash va malakasini oshirishga xizmat qiladi.