Andijonda innovatsion yoʻl belgilari tashkil etildi
Transport vositalari serqatnov qatnaydigan yoʻlda yurgan har bir fuqaro ikki karra sergak boʻlishi lozim.
Transport vositalari serqatnov qatnaydigan yoʻlda yurgan har bir fuqaro ikki karra sergak boʻlishi lozim. Ammo yoʻl-yoʻlakay quloqchinda musiqa tinglab ketayotgan yoshlar, ayniqsa oʻquvchilar diqqatini yoʻlga qaratmaydi.
Oʻzbekiston yoshlar ittifoqi Andijon viloyat Kengashi tomonidan Andijon shahridagi transport koʻp qatnaydigan oʻtish yoʻllariga eslatmalar oʻrnatildi.
Shahardagi 1-umumiy oʻrta taʼlim maktabi oʻquvchilari hamda Yoʻl harakati xavfsizligi masʼul xodimlari ishtirokida bolalar oʻtish yoʻllariga bir nechta eslatmalar yozib chiqildi.
-Oʻquvchilarni yoʻl-transport hodisalaridan asrash maqsadida yangi tashabbusni boshladik. – deydi, Andijon viloyati “Kamalak” bolalar tashkiloti raisi Shohrux Sultonov. - Bu ogohlantiruvchi belgilar oʻquvchilarni yoʻlni kesib oʻtishdan avval ogohlantiradi va eʼtiborini faqat yoʻlga qaratishga chorlaydi.
Shuningdek tadbir davomida oʻquvchilarga yoʻl belgilari ham yana bir bora tushuntirildi.