Andijon shahrida tennis bo‘yicha yoshlar o‘rtasida “ATF 14&Under” xalqaro turniri yakunlandi. Unda qit’amizning o‘ndan ortiq davlatidan kelgan tennischilar g‘oliblik uchun o‘zaro kuch sinashdi.

O‘g‘il bolalar orasidagi yakkalik bahslari finalida yosh tennischimiz Azamjon Ziyatov Koreya Respublikasi vakili Choy Yenxoni 7:5, 6:2 hisobida taslim etdi va bosh sovrinni qo‘lga kiritdi. Qizlar o‘rtasida hamyurtimiz Mumtozabegim Akramova vitse-chempionga aylandi.

Juftlik bahslarida esa Mumtozabegim Akramova hamda Yuliana En tandemi Yekaterina Fomina hamda Laylo To‘xtamisheva duetini 6:2, 6:1 hisobida taslim etgan holda bosh sovrinni qo‘lga kiritdi.

Javohir Toshxo‘jayev, O‘zA