FOTOREPORTAJ

Qoraqalpog‘iston Respublikasi Amudaryo tumani “Navoiy” mahalla fuqarolar yig‘ini hududidagi kichik sanoat zonasi 2018 yil “Amudaryo paxta tozalash zavodi” aksiyadorlik jamiyatining eski binosi o‘rnida tashkil etilgan.  

[gallery-12123]

Tender savdolarida 23 nafar tadbirkor qiymati 10 milliard 151 million so‘mlik investitsiya kiritish va 166 ta yangi ish o‘rni yaratish ko‘zda tutilgan loyihalarni amalga oshirish majburiyatini zimmasiga olgan.

Kichik sanoat zonasida hozirda yog‘ochdan mebel va eshiklar ishlab chiqaruvchi “Kamolov eshiklari”, temir eshik va deraza ishlab chiqaruvchi “Amu metall Kovka art”, sut mahsulotlari ishlab chiqarishga ixtisoslashgan “Mang‘it milk” mas’uliyati cheklangan jamiyatlari kabi qator korxonalar faoliyat yuritmoqda.

“Mang‘it milk” mas’uliyati cheklangan jamiyati o‘z ishini 30 litr sutni qayta ishlashdan boshlagan. Bugunga kelib korxonada kuniga 1 tonnadan ortiq sut qayta ishlanib, kefir, qaymoq, tvorog, smetana kabi mahsulotlar ishlab chiqarilmoqda. Kelgusida pishloq ishlab chiqarish tarmog‘i ham yo‘lga qo‘yilishi rejalashtirilgan.

Maqsad HABIBULLAEV(surat),O‘zA