Жорий йилнинг 7–16 ноябрь кунлари Индонезиянинг Жакарта шаҳрида ампутантлар футболи бўйича 2026 йилги жаҳон чемпионати учун Осиё саралаш босқичи ўтказилди.

Унда қитъамизнинг 9 та терма жамоаси иштирок этди. Қувонарлиси, мазкур мундиал саралашининг “B” гуруҳидан ўрин олган Ўзбекистон ампутантлар терма жамоаси Малайзия, Яман ва Бангладеш терма жамоаларини мағлубиятга учратган ҳолда 9 очкога эга бўлди. Гуруҳ пешқадами сифатида жаҳон чемпионати йўлланмасига эга чиқди.

Мазкур йўлланмага эга чиққан терма жамоамизни Ислом Каримов номидаги Тошкент халқаро аэропортида Ўзбекистон Миллий паралимпия қўмитаси, Спорт вазирлиги масъул ходимлари, оммавий ахборот воситалари ва спортчиларнинг яқинлари тантанали равишда кутиб олди.  

[gallery-26352]

Маълумот ўрнида: 2026 йилнинг 31 июлидан 6 август кунига қадар ампутантлар терма жамоаси Коста-Рикада ўтадиган жаҳон чемпионатида ўзаро баҳс олиб боради.

<iframe width="640" height="420" src="https://www.youtube.com/embed/ccLkK5EPeBU" title="Amputant futbolchilarimiz munosib kutib olindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев,

Ойбек Давронов (видео), Аслиддин Алижонов (сурат), ЎзА