АҚШнинг HALO Trust нотижорат гуманитар ташкилоти миналардан ва портламай қолган бомбалардан тозалашда Киевга ёрдам бериш учун Boston Dynamics компанияси томонидан ишлаб чиқарилган Spot робот итларидан фойдаланади, деб ёзмоқда Foreign Policy журнали хабардор манбаларга таяниб.

Нашрнинг ёзишича, бундай роботлар портламай қолган қуролларни чуқурдан олиб чиқиши мумкин ва шу йўл билан Буча ва Броварига жўнатилган HALO Trust сапёрларининг ҳаётини хавфга қўймай, бир йўла 50 дан 100 тагача снарядни зарарсизлантира олади.

Американинг Boston Dynamics компанияси томонидан ишлаб чиқарилган тўрт оёқли Spot роботи 2020 йилда илк бор очиқ савдога чиқарилган эди. Ўшанда қурилманинг нархи 74,5 минг долларга баҳоланганди.