AQSH Ukraina jang maydonida turli imkoniyat va texnologiyadan qanday foydalanishni o‘rganishi muhim, dedi mamlakat fazoviy kuchlari general-mayori Devin Pepper.

– Ukraina fazoviy, kiber va boshqa texnologiyalar hamda akustik imkoniyatdan ilgari qo‘llanmagan, o‘zgacha tarzda foydalanmoqda va biz bundan saboq olib, yangiliklarni o‘z amaliyot rejamizga qo‘shishimiz kerak, – degan u Mitchell Aero-fazoviy tadqiqot institutida. – Shu maqsadda AQSH va NATO hamkorlikda tahlil olib borish uchun allaqachon Polshada maxsus markaz tashkil etgan. Shuningdek, Qo‘shma Shtatlar alyans bilan birga havo mudofaasi va uchuvchisiz samolyot tajribasini ham o‘rganmoqda.