Америкалик журналист  Жефф Жерманни Лас-Вегас (Невада штати)  шаҳридаги уйи яқинида жонсиз ҳолатда топишди, деб ёзди унинг ўзи ишлайдиган Las Vegas Review-Journal газетаси.

Жерманни газета “Невададаги энг тажрибали ва ишончли журналистлардан бири”, деб атаган. Унга пичоқ билан ҳужум қилингани айтилмоқда.

Газетанинг таъкидлашича, журналист турли мавзуларда қалам тебратган. Унинг мақолалари уюшган жиноятчиликдан тортиб,  ҳукуматнинг қинғир ишлари, сиёсий можаролар х,амда 2017 йил октябрь ойида Лас-Вегасда юз берган оммавий отишмаларгача  қамраб олганди. 

Лас-Вегас полицияси қотиллик юзасидан суриштирув ишларини бошлаб юборди, дейилади хабарда. 

Жерман Las Vegas Review-Journal газетасида 2010 йилдан буён ишлаб келади, ундан олдин журналист 20 йилдан зиёд вақт Las Vegas Sun газетасида фаолият олиб борган.

 Хабарда айтилишича, журналист 69 ёшда бўлган.