Америка кардиналы Роберт Прево жаңа Рим Папасы болды. Ол өзіне Лев XIV есімін таңдады. Осылайша, Роберт Прево тарихтағы тұңғыш америкалық понтифик атанды

CNN мәліметінше, Рим-католик шіркеуінің жаңа басшысын сайлау үшін Ватиканға жиналған кардиналдар конклав отырысында бірауыздан келісімге келді. Роберт Прево алғаш рет Папа тағына отырған америкалық ретінде тарихқа енді.

69 жастағы кардинал Роберт Фрэнсис Прево негізінен Оңтүстік Америка елдерінде қызмет атқарған. Ол жуырда Ватиканда епископтарды тағайындау жөніндегі кеңсенің басшысы болып тағайындалған еді. Прево он жыл бойы Перуде қызмет етіп, кейін Чиклайо қаласының епископы болған.

Оның қазіргі Папа Францисктің бастамаларын жалғастыратыны күтіліп отыр.