Амалдаги давлат раҳбари етарли миқдорда овоз тўплашга муваффақ бўлди
Полшанинг амалдаги давлат раҳбари Анжей Дуда президентликнинг иккинчи муддатига сайланиш учун зарур бўлган овозни тўплашга муваффақ бўлди.
Полшанинг амалдаги давлат раҳбари Анжей Дуда президентликнинг иккинчи муддатига сайланиш учун зарур бўлган овозни тўплашга муваффақ бўлди. “Ipsos” ижтимоий лабораторияси эълон қилган президентлик сайловларига оид натижалар шундан далолат беради.
Иккинчи турда «Ҳуқуқ ва адолат» партияси номзоди Анжей Дуда 50,4 фоиз овоз тўплади, унинг рақиби – мухолифатдаги «Фуқаролик коалицияси» партиясидан номзод Рафал Тшасковскийга эса сайловчиларнинг 49,6 фоизи овоз берган. Сайловчиларнинг иштироки 68,9 фоиз бўлгани айтилмоқда.
Эслатиб ўтамиз, булар дастлабки натижаларга оид маълумотлар. Якшанба куни бўлиб ўтган сайловларнинг натижаси расман бугун – душанба куни эълон қилинади.