Алжир әскери-әуе күштерінің әскери тікұшағы елдің орталық бөлігінде апатқа ұшырады.

APS ақпараттық агенттігінің хабарлауынша, апат салдарынан экипаждың үш мүшесі қаза тапқан. 

«2024 жылдың 7 ақпанында кешке жоспарланған түнгі оқу-жаттығу кезінде Әскери-әуе күштері қолбасшылығының әскери тікұшағы әл-Мания әуежайының шетінде құлады», - делінген хабарламада.

Ел президенті Абделмаджид Теббун қайтыс болған ұшқыштардың туыстарына көңіл айтқан.

Қазіргі уақытта апаттың себептерін анықтау жұмыстары жүргізілуде.