Сингапур ғалымдары коронавирустың мұздатылған тағамдарда да кем дегенде үш апта өмір сүре алатындығын дәлелдеді.

«Зерттеулер нәтижесінде SARS-CoV-2 вирусының азық-түлік өнімдерін сақтау мен тасымалдауға арналған стандартты мұздатқыштарда қаншалықты сақталатындығы зерттелді. Атап айтқанда, тауық, балық және басқа да ет өнімдерін стандартты салқындату (-4 градус) және стандартты мұздату (-20 градус) қолданған жағдайда 21 күндік тест нәтижесі коронавирустың тірі қалғанын көрсетті» дейді сарапшылар.

Бұл зерттеулер нәтижесі азық-түлік өнімдерін сақтау және жеткізіп беру қызметкерлеріне ауру жұқтыру қаупі бар екенін білдірсе, мұздатылған өнімдер арқылы да, вирустың таралу қаупі жоғары екенін көрсетеді.