АҚШ-тың Аляска штатының батыс жағалауына «Халонг» дауылы соғып, бір адам қаза тапты.

«Анадолу» агенттігінің хабарлауынша, табиғи апат салдарынан 1500-ден астам тұрғын үйлерін тастап шығуға мәжбүр болды. 

Жергілікті бұқаралық ақпарат құралдарының мәліметінше, демалыс күндері аймақты шарпыған дауыл қатты жаңбыр мен екпінді желмен қатар жүрген.

Ресми дерекке сай, дауыл өткеннен кейін 51 адам тасқыннан құтқарылған. Кейбір үйлер құлап, кейбірін су шайып кеткен. Бірқатар мекен толығымен су астында қалған.

Көшірілген тұрғындар уақытша баспаналарға немесе қала орталығына орналастырылған.