АҚШ-тың Аляска штатында екі америкалық AH-64 Apache шабуылдау тікұшағы соқтығысуы салдарынан борттағы үш сарбаз қаза тауып, тағы біреуі жараланды.

Associated Press басылымының хабарлауынша, екі ұшқыш Хили мекені маңында оқиға орнында, үшінші ұшқыш ауруханаға бара жатқан жолда көз жұмған. Төртінші сарбаз жараланып, госпитальға жеткізілген.

Апат тікұшақтар оқу-жаттығу рейсінен қайтып келе жатқан кезде орын алған. Оқиғаға байланысты тергеу басталды.