Avstriya tog‘larida yong‘inlar kam uchraydi. Dushanba kuni Xirshvang-an-der-Raks shahrida kelib chiqqan olovni jilovlashning iloji bo‘lmayapti. Yong‘in uch kunda 5 gektardan 115 gektar maydonga yoyilgan.

“Bu jahannam alangasi”, – demoqda o‘rmon xo‘jaligi mutaxassislari. O‘t o‘chiruvchilar olov boshqa xududlarga tarqalishiga qarshi kurashyapti.

“O‘t o‘chirishda 30 nafar xodim, sakkizta vertolyot qatnashyapti. Yong‘in ichida qolgan joylardan o‘tishning iloji yo‘q”, – deb yozdi Avstriya yong‘in bo‘limi.