Қазақстанның Алматы қаласынан Астанаға бара жатқан автобус Қарағанды облысы аумағында аударылып қалды.

ҚазАқпарат хабарынша, автобус салонында 20 жолаушы болған, оның ішінде 65 жастағы ер адам дене жарақатымен ауруханаға жеткізілген.

Полиция дерегінше, оқиға 21 шілде күні кешкі 17.30 кезінде Осакаров кентінен 10 шақырым жерде, Алматы – Екатеринбург тасжолында болған.

Қатты жел соғып тұрғанда 33 жастағы «Yutong» автобусының жүргізушісі рульге ие бола алмай қалған. Салдарынан автобус аударылды.

Полиция сараптама тағайындады. Соның нәтижесіне қарай процессуалдық шешім қабылданады.