ӨзА Өзбекстан Бас консулдығынан репортаж дайындауда

Бүгін, 27 қазан күні Өзбекстан Республикасында Олий Мажлис Заң шығару палатасы және жергілікті кеңес депутаттарын сайлау өтуде.

Әлемнің 40 мемлекетіндегі дипломатиялық өкілдіктерінде 57 сайлау учаскелері құрылған. Солардың бірі — Қазақстан Республикасының Алматы қаласындағы Өзбекстан Бас консулдығы. 

Мұнда жергілікті уақыт бойынша таңғы сағат 8.00-де 22-сайлау учаскесінде дауыс беру басталды. 

Сайлау учаскесінде Алматы қаласы мен Алматы облысында қызмет ететін Өзбекстан азаматтарының дауыс беруі үшін барлық жағдайлар жасалған. Сайлауда алғашқылардың бірі болып Өзбекстан Бас консулдығы қызметкерлері мен олардың отбасы мүшелері дауыс берді. 

Сайлау учаскесінде сайлаушыларға Өзбекстан заңдары, Орталық сайлау комиссиясының шешімдері, ел парламентіне сайлауға қатысты кітапшалар және басқа да ақпараттық материалдар ұсынылуда. 

Өзбекстан Жастардың бүкіләлемдік қауымдастығының өкілдері, студент жастар да саяси үдеріске белсенді қатысуда. Күннің бірінші жартысы нәтижесінде 100-ден астам өзбекстандық өздерінің конституциялық құқықтарын пайдаланып, дауыс берді.

Б.Худойбердиев, ӨзА