Алматида юз берган оммавий тартибсизликлардан кейин жами 243 бино зарар кўрган, дея маълум қилди шаҳар ҳокимияти ўринбосари Мухит Азирбоев.

"Бугунги кунгача, 243 та  объект зарар кўргани аниқланди. Уларнинг 27 таси  давлат муассасаси, 216 та бино кичик ва ўрта бизнесга қарашли", – деди Азирбоев шаҳар маъмуриятининг душанба куни бўлиб ўтган  йиғилишида.

Унинг малум қилишича,  давлат органларига қарашли 27 та бинонинг ўнтаси  бюджет маблағлари билан тикланади.

"Қолган 17 та объект унчалик кўп зиён кўрмаган, шу боис уларни қайта тиклаш  бизнеснинг ижтимоий масъулияти доирасида амалга оширилади", – қўшимча қилди Азирбоев.