Париж қаласында өтіп жатқан Олимпиада ойындары аясында дзюдо спортынан 100 келіден асатын балуандар арасында қола медаль үшін бәсеке өтті.

Осы салмақта шаршы алаңға шыққан өзбекстандық Алишер Юсупов қола жүлде үшін өткен бәсекеде жапониялық Тацуру Сайтодан айласын асырып, жеңіс тұғырынан көрінді.

Осылайша Өзбекстан делегациясының «Париж-2024» Олимпиадасындағы медальдарының саны үшке жетті. 1 алтын, 2 қола медаль.