CentralAsia.Yevropa Ittifoqi Rossiyaning Ukrainadagi harbiy operatsiyasi sababli asli o‘zbekistonlik bo‘lgan Rossiya milliarderi Alisher Usmonovning aktivlarini muzlatib qo‘ydi. Rossiyalik milliarder bu borada o‘z fikrlarini bildirdi.
“2022 yilning 28 fevral kuni Yevropa Ittifoqi menga nisbatan sanksiyalarni joriy qildi. Bu adolatsiz qaror deb bilaman va sanksiyalarni oqlaydigan sabablar mening sha’nim, qadr-qimmatim va ishchanlik obro‘-e’tiborimni kamsituvchi yolg‘on ayblovlardir. Men o‘z sha’nim va obro‘yimni himoya qilish uchun barcha qonuniy vositalardan foydalanaman”, - deb yozadi milliarder o‘zining ochiq xatida.
Shuningdek, Alisher Usmonov Xalqaro qilichbozlik federatsiyasi rahbari lavozimini tark etishini ham ma’lum qildi. U adolat qaror topmaguncha, bu lavozimni tark etishini qayd etdi. Yevropa Ittifoqi 28 fevral kuni Alisher Usmonovdan tashqari, Rossiyaning 25 nafar ishbilarmonlari, harbiylari, siyosatchilari, jurnalistlari va madaniyat arboblariga qarshi sanksiyalar kiritdi.
I. Abdumalikzoda tayyorladi, O‘zA
D.U.