Ташкент қаласында Халықаралық семсерлесу федерациясының кезекті конгресі өтті.

Әлемнің 130-дан астам елінен 280 делегат қатысқан жиында ресейлік кәсіпкер Алишер Усманов Халықаралық семсерлесу федерациясының президенті болып сайланды.

FIE басшылығы үшін өткен сайлауда Усмановтың қарсыласы ретінде Швеция семсерлесу федерациясының президенті Отто Дракенберг қатысты. Алайда дауыс беру қорытындысы Усмановтың айқын басымдығын көрсетті: ол 120 делегаттың қолдауына ие болса, қарсыласы небәрі 26 дауыс жинады.

Соңғы екі жылда Грекия өкілі Эммануэль Кациадакис Халықаралық семсерлесу федерациясының президенті міндетін уақытша атқарған еді.