Sirdaryo viloyatining Guliston shahrida O‘zbekiston Respublikasi Yoshlar ishlari agentligi direktori, senator Alisher Sa’dullayev sirdaryolik yoshlar bilan uchrashdi.

Sirdaryolik yoshlarning tashabbus va takliflari o‘rganilib, ko‘tarilgan masalalarning asosiy qismiga yechim topildi, murojaatlarning qolgan qismini hal etish yuzasidan mutasaddi rahbarlarga aniq vazifalar yuklatildi va ijrosi nazoratga olindi.

– Bu uchrashuvdan katta shijoat oldim, – deydi tadbir ishtirokchilaridan biri Nigora Orifjonova. – Ayniqsa, taklifimning qo‘llab-quvvatlangani meni juda ruhlantirdi. Men “Tik-Tok” ijtimoiy tarmog‘i bo‘yicha taklif berdim. Agar o‘zimiz xohlasak, har qanday yomon narsadan ham hikmat topsak bo‘ladi.

Uchrashuv Sirdaryo yoshlarida juda katta taassurot qoldirdi.

O‘zA