Partiyaning Andijon viloyat Kengashi tomonidan oʻtkazilgan “Ayol allasida-milliy tarbiya” onlayn koʻrik-tanlovida ishtirok etib, gʻoliblikni qoʻlga kiritgan ushbu maktabning boshlangʻich sinf oʻqituvchisi Marxabat Xoshimova goʻzal alla ijro etib, partiya liderida alohida taassurot qoldirdi.

Shu yili 17-sentyabr kuni Oʻzbekiston “Milliy tiklanish” demokratik partiyasi raisi Alisher Qodirov Andijon viloyatidagi umumtaʼlim maktablari faoliyati bilan tanishish jarayonida Andijon shahridagi 13-umumtaʼlim maktabida ham boʻlgan edi. Shu kuni maktabning bir guruh pedagoglari bilan uchrashib, suhbat oʻtkazilgan.

Partiyaning Andijon viloyat Kengashi tomonidan oʻtkazilgan “Ayol allasida-milliy tarbiya” onlayn koʻrik-tanlovida ishtirok etib, gʻoliblikni qoʻlga kiritgan ushbu maktabning boshlangʻich sinf oʻqituvchisi Marxabat Xoshimova goʻzal alla ijro etib, partiya liderida alohida taassurot qoldirdi.

Alisher Qodirov faxriy ustozning ijrosi unga bolaligi, oʻquvchilik yillari, xususan birinchi oʻqituvchisini yodiga solganini taʼkidlab, “Mening birinchi oʻqituvchim bor edi, xuddi sizga oʻxshar edi. Partadoshim bilan bitta oʻchirgich tufayli oʻrtada nizo kelib chiqqanini eslayman. Oʻshanda birinchi oʻqituvchimiz birovning haqqi birovga buyurmasligini aytgan edilar. Partadoshimga tanbeh berganlari, chiroyli qilib tushuntirganlari hamon esimda. Oʻshanda ilk bor harom nima, halol nima degan savollarimizga javob olgandik” deya esladi.

1-oktyabr “Ustoz va murabbiylar kuni” munosabati bilan partiya lideri oʻzining birinchi oʻqituvchisiga oʻxshaydigan, boshlangʻich sinf oʻqituvchisi Marxabat Xoshimovaga bayram sovgʻalarini yubordi.