Адиблар хиёбонидаги Алишер Навоий ҳайкали пойи эрталабдан одамлар билан гавжум.

Илм-фан намоёндалари, зиёлилар, давлат ва жамоат ташкилотлари ходимлари, адабиётшунос олимлар ва талабалар йиғилган.

Бир оздан сўнг ҳайкал пойига гул қўйилади, ҳурмат бажо келтирилади. Мушоира ва ғазалхонлик уюштирилиши кўзда тутилмоқда.

– Бу санани нишонлаш бўйича давлатимиз раҳбари алоҳида эътибор қаратган, – дейди Вазирлар Маҳкамаси ҳузуридаги Давлат тилини ривожлантириш департаментининг мудири Абдуғаффор Қирғизбоев. –Бунда буюк шоир ижодини кенгроқ тарғиб этишга кенг эътибор қаратилди. Ўнлаб шоир ижодига бағишланган китоблар чоп этилди. Ҳазратнинг дурдона асарлари қайта нашр этилди.

[gallery-1069]

Д. Маматова, Аъло Абдуллаев(фото), ЎзА