Buxoroda O‘zbekkino Milliy agentligi buyurtmasiga binoan “Hujjatli va xronikal filmlar kinostudiyasi” DUK hamda “Spectre” studiyasi tomonidan “Alisher Navoiy” tarixiy-hujjatli filmini suratga olish ishlari boshlandi.

Film ssenariysi Furqat Usmonov tomonidan yozilgan bo‘lib, Alisher Navoiyning shaxsiga bo‘lgan qarashlarda, yangicha yondashuv asosida ishlanmoqda. Ijodiy guruh suratga olish ishlarida tarixiy-badiiy rekonstruksiya, kompyuter grafikasi hamda Alisher Navoiy nomidagi Toshkent davlat o‘zbek tili va adabiyoti universiteti vakillari, navoiyshunos olimlarning intervyularidan foydalanmoqda.

Mazkur film “Xalq yuragi” nomi ostida suratga olinayotgan turkum filmlardan biri.

Buyuk shoir va mutafakkir hayotidan hikoya qiluvchi tarixiy-hujjatli filmning suratga olish ishlari Buxoro, Samarqand, Toshkent viloyatlari hamda Toshkent shahrida bo‘lib o‘tadi.

[gallery-975]

Tohir ISTATOV (surat), O‘zA