Мамлакатимизда янгиланиш жараёнлари ғоят шиддатли кечмоқда. Ватанимиз давлатимиз раҳбари ташаббуси билан бошлаб берилган "Миллий тикланишдан - миллий юксалиш сари", деган устувор ғоя асосида жадал тараққий этмоқда.

Маънавий-маърифий жабҳаларда амалга оширилаётган кенг кўламли ислоҳотларда буюк аждодларимизнинг бой меросини мукаммал ўрганиш, унинг мазмун-моҳиятини мамлакат ва жаҳон миқёсида тарғиб этишга катта эътибор қаратилмоқда. Мамлакатимиз ва жаҳон бўйича Алишер Навоий таваллудининг 580 йиллиги кенг нишоланаётган шу кунларда бу жиҳатлар яна бир карра ўзининг ёрқин ифодасини топмоқда.

Улуғ мутафаккир бобомиз таваллудининг 580 йиллиги муносабати билан пойтахтимиздаги Алишер Навоий номидаги Ўзбекистон Давлат академик катта театрида ташкил этилган тантанали тадбирда шулар ҳақида алоҳида тўхталиб ўтилди.

[gallery-4827]

Мазкур тантанага турли вазирлик ва идоралар, ижодий ташкилотлар вакиллари, ёзувчи ва шоирлар, адабиётшунослар, сўз санъати мухлислари таклиф этилди.

Ўзбекистон Республикаси Президенти маслаҳатчиси Абдужаббор Абдувоҳитов Президентимизнинг 2020 йил 19 октябрдаги "Буюк шоир ва мутафаккир Алишер Навоий таваллудининг 580 йиллигини кенг нишонлаш тўғрисида"ги қарори ижроси ҳаётга кенг жорий этилаётганини таъкидлади.

Шу кунларда Навоий меросига бағишланган Халқаро анжуман мамлакатимиз ва хорижлик олимларда катта таассурот уйғотди.

Тадбирда мамлакатимизда Навоий меросини ўрганиш ва тарғиб этиш бўйича кўплаб амалий ишларнинг натижалари хусусида батафсил сўз юритилмоқда.

Н.Усмонова, ЎзА