Хорватиянинг Загреб шаҳрида спорт курашлари бўйича давом этаётган жаҳон чемпионатининг навбатдаги кунида Ўзбекистон терма жамоасининг 5 нафар аъзоси иштирок этади.

Юнон-рум кураши бўйича саралаш босқичида барча рақибларини мағлубиятга учратган Алишер Ғаниев (-60 кг) олтин медаль учун қозоғистонлик Айдос Султанғали билан баҳс олиб боради. Ярим финалда имкониятни бой берган Абдулло Алиев (-72 кг) эса бронза медали учун гиламга чиқади.

Шунингдек, яна 3 нафар спортчимиз бугун саралаш беллашувларида қатнашади:

Саралаш босқичи:

63 кг: Айтжан Халмаханов – Николай Вичев (Болгария) / Александр Хрушин (Украина)

67 кг: Шермуҳаммад Шарипжонов – Ман Сон (КХДР)

87 кг: Муҳаммадқодир Расулов – Марсел Стеркенбург (Нидерландия)

Жавоҳир Тошхўжаев,

ЎзА