Бадиий гимнастика бўйича олимпия ўйинлари ғолибаси Алина Кабаева Халқаро гимнастика федерацияси президенти(FIG) Моринар Ватанабэга мурожаат билан чиқди.

Ўзбекистонда туғилиб, дунё гимнастикасининг афсонасига айланган Кабаева ўз мурожаатида FIG раҳбарини Токиода ўтказилган ёзги олимпия ўйинлари бадиий гимнастика мусобақаларидаги ҳакамлар фаолиятига холис баҳо бериш учун уларнинг баҳсларни бошқариш тизимини шаффоф кўриб чиқишга чақирган.

Алина Кабаева эътирозига кўра, Токио-2020 нинг гимнастика бўйича мусобақаларни баҳолашда ҳакамлар адолатсизликка йўл қўйган ва бунинг натижасида россиялик гимнастикачиларга ноҳақлик қилинган.  

 Айтиш лозимки, гимнастика бўйича олимпия ўйинларининг 25 йиллик тарихида Россия тўрт йиллик мусобақани биринчи марта медалсиз якунлаганлиги халқаро жамоатчилик ўртасида катта шов-шувни келтириб чиқарди.

Т. Рўзиев, ЎзА