Ота-онага ғамхўрлик - фарзандлик бурчи. Аммо айрим ҳолларда бу бурчга бепарволик билан ёндашиш ҳолатлари ҳам учрамоқда.

Шаҳрихон туманида яшовчи 66 ёшли М.Ё.нинг ўғил фарзандлари отасини қаровсиз қолдириб, унинг таъминотига бефарқ бўлган. Иложсиз қолган ота суд орқали фарзандларидан алимент ундиришга мажбур бўлган.

Суд қарорига мувофиқ, 2025 йил август ойидан бошлаб ўғиллар отасига алимент тўлаши белгиланган. Бироқ? Э.Й. ва О.Й. мазкур мажбуриятни бажармаган.

Мажбурий ижро бюроси Шаҳрихон туман бўлими томонидан кўрилган чоралар натижасида қарздорларга нисбатан Ўзбекистон ҳудудидан четга чиқиш чеклови қўйилди. Шундан сўнг фарзандлар қонунчиликда белгиланган тартибда 5 йиллик, жами 39,6 миллион сўм алимент маблағини олдиндан тўлаб қилиб берди.

Шундан кейин қарздорларга нисбатан қўлланилган чеклов чоралари бекор қилинди.

Ҳамроз Баянов, ЎзА