Әлемнің алтыншы ракеткасы германиялық Александр Зверев Мадридте (Испания) өткен Мастерс турнирінде тағы бір титулға қол жеткізді. Неміс теннисшісі үшін бұл ATP деңгейіндегі турнирлердегі жекелей сында 15-ші, ал Испания астанасындағы екінші жеңіс.

2 сағат 40 минутқа созылған финал кездесуінде Александр Зверев рейтинг бойынша 10-шы орында тұрған итальяндық Маттео Берреттиниді 6/7 (8), 6/4, 6/3 есебінде ұтты. 

Mutua Madrid Open турниріндегі жеңіс германиялық 24 жасты ракетка шеберіне 1000 ұпай мен 315 160 еуро ақшалай сыйлық әкелді.