Беларусь президенти Александр Лукашенко ШҲТ саммитида ташкилот минтақавийликдан глобал миқёсга айланаётганини, ҳозир асосийси шу дақиқани бой бермаслик эканини айтди.

"Мен ШҲТ тузилгандан кейин унинг минтақавий етакчилиги учун қандай курашганини жуда диққат билан кузатдим. Ҳозир шундай лаҳзалар, ташкилотнинг фаолияти, дунёда рўй бераётган воқеалар шу нарсага олиб келдики, бутун инсониятнинг фикри бизнинг ташкилотимиз - Шанхай ҳамкорлик ташкилотига қаратилади.

Шанхай ҳамкорлик ташкилоти минтақавий ташкилотдан глобал ташкилотга айланмоқда”, – деди Лукашенко Самарқанддаги ШҲТ саммитида сўзлаган нутқида.

Унинг таъкидлашича, "энди энг муҳими, бу дақиқани ўтказиб юбормаслик". “Биз бу давлатларга имконият беришимиз керак. Бизнинг ташкилотимиз глобал ташкилотга айланиб, глобал муаммоларини ҳал қилиши мумкин. Биз бу лаҳзани қўлга киритиш учун кечикмаслигимиз ва унга муносиб жавоб беришимиз керак”, – деди Беларусь раҳбари.

ЎзА