Бугун бўлиб ўтаётган муҳим сиёсий жараён – Ўзбекистон Республикаси Президенти сайловини маҳаллий ва хорижлик эксперт, кузатувчи ва номзодларнинг ишончли вакиллари кузатиб бормоқда.

Халқаро кузатувчилар орасида "NEW EIROPE" журнали бош маслаҳатчиси, бельгиялик журналист Алек Малли ҳам бор. Ушбу ҳамкасбимизнинг сайлов жараёнларига оид фикрлари билан қизиқдик.

- Ўзбекистон фуқаролари сиёсий жараёнларга бефарқ эмас, - деди А.Малли. - Бу уларнинг ўз келажагига бефарқ бўлмаганлигидан даракдир. Шуни алоҳида эътироф этиш керакки, бизларнинг сайлов жараёнини ўрганишимиз учун барча шароитлар яратилган. Бунинг учун ҳукуматингизга алоҳида миннатдорлик билдирмоқчиман. Буни келган барча меҳмонлар таъкидлашмоқда. Мен Бельгияга қайтганимда, албатта, бу ердаги таассуротларимни ўзимизнинг нашрларда эълон қиламан.

ЎзА мухбири Д. Маматова ёзиб олди.