Farg‘onada Xalqaro tennis federatsiyasi tomonidan tashkil etilgan J100 tasnifiga kiruvchi xalqaro turnirda g‘olib va sovrindorlar nomi aniq bo‘ldi.

“Fergana cup” turnirida O‘zbekiston, Qozog‘iston, Tojikiston, Xitoy, Hindiston, Polsha, Rossiya, Belarus va Janubiy Koreyadan kelgan eng kuchli yosh tennischilar ishtirok etdi. Turnirning yakkalik bellashuvlarida rossiyalik Fyodor Altuxov belaruslik Milan Taupenetsni 7:5, 4:6, 7:6 hisobida yengib, bosh sovrinni qo‘lga kiritdi. Qizlar o‘rtasida esa rossiyalik Aleksandra Malova hamyurti Aleksandra Cheyshvilini 6:3, 6:1 hisobida yengdi va chempionga aylandi.  

Juftlik bahslarida hamyurtimiz Akmal Abdullayev va Danila Kvasov, qizlar o‘rtasida esa rossiyalik Kseniya Axrameyeva va Alyona Xarchenko g‘olib bo‘ldi.  

Javohir Toshxo‘jayev,

O‘zA